ولي العهد أمير القلوب

ياولي العهد ياامير القلوب
ياحياة الشعب ياموت الطغاه

كل ماهبت من العادي هبوب
من دهى فكرك لنا سترة نجاه

لك تحايا من شمال ومن جنوب
ولك تحايا من جميع الاتجاه

ولَك تحايا قلوبنا من كل صوب
كل قولن منك بالفعل تحماه

عقلك الناضح يسد بكل نوب
وفكرك الواعي يشد الانتباه

انت لابس من ثياب العز ثوب
ياشجاعٍ مالتفت للي وراه

بك تقدمنا على كل الشعوب
وبك تميزنا على كل الدهاه

تقترب للشعب بالصدر الرحوب
كل عرقٍ فيك ينبض به عطاه

من صمودك كل عدوانك تذوب
ومن طموحك تتعب اقلام الرواه

ماتحيركم متاهات الدروب
ولايزحزحكم كلام أهل الوشاه

كل مابانت من الفتنه ثقوب
تهدم الفتنه على بيت الغزاه

تجعل المذنب عن ذنوبه يتوب
بالسيوف الحدب واحكام القضاه

عصرك الزاهر خلي من العيوب
ومنهج التو حيد يذريكم ذراه

انت رأسك رغم دنياك اللعوب
ماخضع ياغير في وقت الصلاه

انت في كل المجالات محسوب
كالأسد محدٍ يقرب من حماه

من حاربكم ماينام الا بحبوب
ومن دهاكم ضاق به واسع فضاه

في ( قطار الحزم ) حاجز لك ركوب
وفِي ( كيان الشعب ) لك قدرٍ وجاه

في غضون السلم ولا فالحروب
اثبت من النير وجبال السراه

شمس عدوانك تهيأ للغروب
كل ظالم عندكم يلقى دواه


كلمات عيوش مجرشي

انتقل إلى أعلى