يا “المروج الخضر” نشتاق المروج
                               
والزروع اللي لها الورد الحمر

والقلوب اللي لها منهج “مروج”
                               
طيبها واخلاقها تسوى العمر

والتنمّر يتبعه فوج (ن) وفوج
                              
كم مراهق شفته بدربه يمر

والطفل شفته كما التايه يدوج
                          
ما درى ان الدرب يلهب بالجمر

تاه في بحر(ن) يصافق كلّ موج
                              
والنفس تحكم وتامر بالأمر

من دخل دربه بيصعبه الخروج
                          
لو تضيء الشمس له والا القمر

يا التنمّر فيك ميل وفيك عوج
                              
والطفل فطرته يختار التمر

كلّ خيال(ن) يدينه بالسروج
                            
قل لمن ظلّ الدرب لا يستمر

والتنمّر للأسف فكر(ن) يروج
                              
اعقدوا له توعيه أو مؤتمر

والحقيقه شفت كم زوجه وزوج
                             
طفلهم تايه ويكبر واندمر